Poppekas waarsku kinders teen molestering

Seksuele molestering is ‘n onderwerp wat baie belangrik is om van ‘n jong ouderdom af met jou kinders oor te praat. Dis ongelukkig ook ‘n onderwerp wat ons nie altyd weet HOE om oor te praat of WAAR om te begin nie. Ons het ‘n poppekas saamgestel wat baie eenvoudig is, en wat mamma sommer van kleins af met die kleintjies by die huis kan doen.

Vir hierdie eerste poppekas word diertjies gebruik om die onderwerp bietjie sagter vir die ou kleintjies te maak, maar tog nogsteeds die boodskap oor te dra. Dis eintlik ‘n baie oulike manier om die onderwerp vir die eerste keer aan jou kind bekend te stel.